吳若希（Jinny）母親因炒單車昏迷送院，作為Jinny緋聞男友的溫家偉與周志文亦表關心，其中溫家偉昨日透過電話回覆時稱要先了解情況：「我有聯絡過Jinny了解咗佢媽媽嘅傷勢，聽佢把聲線好哀傷，但都唔方便講，始終都係佢屋企嘅事。（Auntie傷勢依家點？）我唔係好想講太多。（會唔會去探佢？）我會畀啲空間佢，同埋我唔想件事Focus落我同Jinny度。」致歉後便匆匆掛斷電話。至於周志文則透露有短訊問候外，還有致電了解：「希望伯母吉人天相啦！我都好關心佢媽媽，但都要畀時間佢兩母女。我哋有通電話，聽得出佢好擔心，但又唔想我哋擔心，所以都唔想講太多！」

溫家偉致電緋聞女友吳若希慰問，但拒透露詳情。