徐子珊、薛家燕與胡楓昨日出席無綫在影視展舉行的開拓OTT廣播服務平台活動，無綫電視執行董事兼總經理鄭善強透露，下月啟播的粵語片台將播放逾1,700部作品，當中包括部分早前向亞視購得的作品。OTT將與不同平台合作，問到當中可會包括港視？他說：「服務明年先誕生，唔知佢哋有冇內容供應，當然我哋公開條件入面都有商業模式，但唔會抹殺任何可能性。」

子珊、修哥及家燕姐都期待粵語片台早日啟播。

子珊與鄭善強齊齊在台上介紹公司服務，她笑言深感榮幸，又自言是電視精，閒時會睇劇及各國綜藝節目，問到會否擔心觀眾翻看舊作，比較其容貌變化？她笑說：「冇辦法，實睇到唔同，人會長大嘛！睇番以前嘅劇會覺得做得差，需要進步。」對於粵語片台即將啟動，家燕姐與修哥都很興奮，修哥將與謝賢（四哥）拍攝真人騷《4個小生去旅行》，問到會否擔心被四哥窒？家燕姐聞言笑說：「修哥講嘢都自己窒自己啦！成日你、你、你，唔使等四哥開聲！」