藝人林海峰（Jan）、歌手恭碩良（Jun）及樂隊Dear Jane等，前晚應邀出席連鎖快餐店為幸運顧客舉辦的驚喜生日派對。Jan自言從未參與或成為驚喜派對的主角，問到會否為太太彭羚炮製驚喜？他笑說：「未做老婆前會，結婚後一直籌備緊，未做老婆嗰陣就即刻做到！」

林海峰（中）出席派對，為壽星仔送上生日驚喜！

恭碩良充滿愛心，將參與義賣活動幫助小狗。

他又笑稱不一定要在特別日子才可炮製驚喜，對老婆來說，平日早點回家已是驚喜，但問到太太是否喜歡收到驚喜？他抵死地說：「每個人口講唔使，但收到都會開心嘅！（佢要求高？）佢鍾意平淡，如果唔係唔會嫁畀我啦！」

恭碩良籌款「養仔」

同場的Jun表示與女友林憶蓮都不愛驚喜：「驚頂唔順，其實平常就得，好似食臭豆腐同魚蛋咁。」他又預告憶蓮會到場支持其個唱，屆時會售賣辣椒醬，扣除成本後，會將收益捐到救狗之家：「我之前喺嗰度收養咗隻狗，佢帶畀我哋好多歡樂！我依家都算係爸爸，想表達吓心意幫佢哋。」