前港姐冠軍陳凱琳（Grace）與季軍劉佩玥昨日為復活節活動擔任嘉賓，提到在無綫的《殭》劇中有大膽露背鏡頭，Grace說：「唔覺得尷尬，用一個好有藝術感同美感手法去拍，我前面貼晒大力膠布，最辛苦係要慢慢撕番落。張海報就有好多花瓣遮住，着黑色Tube Top同短褲打底，同埋陳山聰隻手都遮住好多，所以唔覺。拍時冇清場，成件事好安全，拍之前同爹哋媽咪講，佢都好擔心，不過佢就話信得我過，信TVB。我覺得20年後拎番出睇會好開心。」另外，有傳無開拍《呂后傳》執四攤，Grace說：「唔係事實報道，冇人接觸過我，都係順其自然，等佢安排，如果搵我都唔會Say No。」有指被捧做李嘉欣第二，她稱擔當不起，亦不想外界比較，做好本分就OK。

陳凱琳（右）與劉佩玥出席復活節活動，大晒可愛。

陳凱琳與父親返家期間傾到嘴嘟嘟。

Grace於活動後會合父親乘港鐵回家，期間與父親傾到嘴嘟嘟，他們於太子站下車後往買麵包，其後步行返九龍塘寓所，入屋前Grace更與記者揮手道別。