謝天華、徐子珊、馬德鐘及朱千雪等昨日為李思捷主持的節目《今晚睇李》擔任嘉賓，已做了老竇個半月的天華笑說：「依家好似農夫咁，每日都早起身，換片都係我一腳踢，湊仔真係有排學！個仔行緊美國時間，日頭瞓覺，夜晚就眼仔睩睩，但係見到佢愈嚟愈厚肉都好開心、好Enjoy！（會停工湊仔？）唔會，手停口停，4、5月會去內地拍電影，當然唔捨得。（返無綫拍劇？）睇Timing，要睇夾唔夾到時間。」

朱千雪被四位壯男包圍，果然有女神風範！

謝天華講起囝囝就笑到見牙唔見眼。

而朱千雪下月將在新劇《EU超時任務》孭飛做「女一」飾演女警，被指頂替胡杏兒上陣的她說：「我唔清楚其他演員嘅角色，都未傾劇本，未知詳情。（做女一壓力大？）做咩角色都有壓力，反而遲啲要接受EU訓練、要學開槍，驚做起嚟唔似。」