無綫小花龔嘉欣於下周一首播的新劇《水髮胭脂》中化身「女神」級港女，利用美貌不斷「收兵」，廣吸具備不同功能的裙下之臣！備受「觀音兵」擁戴的嘉欣變得刁蠻任性，卻在職場遇上「戇男」死敵陳智燊，最後反被對方收服！

性格「港女」的嘉欣「觀音兵」一大籮，卻衰喺「惡上司」陳智燊手上！

熱衷於「收兵」的嘉欣遇上陳智燊即被馴服，「多功能兵團」亦被瓦解。

娘娘愛收兵

龔嘉欣於無綫新劇《水髮胭脂》飾演立志成為室內設計師的極品港女，更利用「女神」級姿色多角度「收兵」！外表嬌俏的嘉欣透露於劇中廣吸具備各式功能的裙下之臣：「我收兵會睇功能性，例如見到好叻整電腦或最識飲識食嘅男士就會收為己用！」惟她笑言現實中從未「收兵」：「我本身完全冇咁嘅概念，心諗邊有免費午餐，可以隨便叫人幫自己！（扮演港女擔心影響形象？）冇所謂，咩角色都想試吓，港女都唔係得貶意嘅！」

愈鬧愈愛

在「觀音兵」中呼風喚雨的嘉欣卻在職場遇上對其外表不為所動的「戇男」上司陳智燊（Jason），擔任Jason助手的她不時「冇大冇細」，結果被對方「鬧爆」！Jason坦言出盡全力怒罵對方：「導演叫我放膽鬧，所以拍攝時比對劇本時更惡咁鬧佢！但喺劇中佢愈畀我鬧就愈鍾意我，可能畀我鬧醒咗，因為我正視到自己有問題！」私下與Jason老友鬼鬼的嘉欣則笑言見慣對方的「惡樣」：「我哋熟到會自動波對戲，見慣佢咁惡，唔使就住演。」性格強勢的嘉欣最終反被陳智燊收服：「佢做主動向我表白，仲叫我唔好再收兵同做娘娘！雖然我喺劇中成日投訴佢唔夠浪漫，但其實我哋一齊設計間屋嘅情節已經好Sweet！」而監製李艷芳則笑言二人於劇中上演一場寫實又地道的《馴悍記》！

Joyce烏龍百出

至於劇中無父無母的蓋鳴暉（Joyce）自幼被經理人李司棋收養並學習粵劇，一直想擁有安樂窩的她，誤打誤撞入住了室內設計師陳豪為女友精心設計的單位，更鬧出不少烏龍事件，陳豪因而與麥包夾計趕走她，奈何二人最終卻成為難得知己！