女星陳嘉桓(Rose)近日頻以性感打扮亮相,日前她以透視低胸婚紗造型為婚紗活動做模特兒行騷,而張兆輝與楊秀惠則擔任頒獎嘉賓。感情交白卷的Rose向《東網電視》表示,眼見不少朋友成家立室,令她心郁想嫁,更已Plan定出嫁戰衣:「第時結婚我都想着到公主咁,同埋我冇着過裙褂,我好鍾意廿幾年前嗰啲鳳冠,復古少少。」Rose更大呻未找到真命天子:「未有呀,都唔知點算!(相睇?)好似好危險喎,要同陌生人傾偈,未考慮呀,我又未去到咁嚴重。」而同樣單身的楊秀惠亦坦言相當恨嫁,不過苦無時間談戀愛。

陳嘉桓(左起)、張兆輝及楊秀惠齊齊出席婚紗活動。