身材豐滿的「寸嘴Barbie」夏尉喻在電影《台北夜蒲團團轉》中不乏與台妹鬥胸的場面，並有一場喊戲發揮演技，她表示拍攝時被角色的愛情經歷感動而喊足30分鐘：「我演一個霸道港女，表面好似好強勢，其實只係想尋找理想愛情，好脆弱，性格幾矛盾，又多次面對失敗，要用好短對白同表情，表現角色對男女關係嘅變化同不甘，導演突然話要喊，開頭用眼藥水，但跟住諗諗吓，完全投入晒個角色入面，就成面真眼淚，仲喊足30分鐘！」
