女星蔡穎恩跟歌手陳慧敏情商為老友張子丰的微電影演出，由他親自操刀自編自導自演，編寫穿越時空的淒美愛情故事，誓要喚醒大家對愛情與夢想的執着！

蔡穎恩與陳慧敏合作拍微電影做好姊妹，但造型卻有很大對比。

陳慧敏笑言張子丰對她愛護有加，故拍攝過程不感辛苦。

張子丰抽中蔡穎恩與陳慧敏做拍檔，睇吓有冇運氣攞埋冠軍！

歌手張子丰（Fred）早前夥拍同期出道的陳慧敏與蔡穎恩（Evelyn）拍攝微電影《那些愛過我的他們》參加比賽，Fred更擔大旗做導演，一腳踢為電影執導、編劇及剪接。對於這位「新手導演」，身為主角的慧敏哥激讚他對自己「愛護有加」：「其實我哋識咗好耐，知道大家都參加比賽嗰陣，我就同佢講不如你抽我啦！點知真係抽中我哋係一隊。」

故事荒誕又淒美

提到故事內容，Fred指開始構思時希望故事荒誕得來又有愛，愛情中又有點淒美，所以設定了「時空穿越」主題：「當我諗好個大綱之後，再聽埋慧敏哥首《航道》，就覺得依個主題好啱！故事入面慧敏哥嘅現任男友會因意外死咗，但就每次都會穿越返去慧敏哥身邊，好想表達慧敏哥對追夢嘅執着同佢男友對佢嘅愛係一樣。」

形象百變成對比

至於劇中客串做慧敏哥好友的Evelyn，片中形象百變，每次出現都有新髮型，Fred笑言是希望兩人有強烈對比，Evelyn聞言後即說：「其實我反而覺得好唔好意思，因為次次都等我整好頭先埋到位！」還呻Fred剪完片未有即時給她睇片，令這個「女二」一直被蒙在鼓裏：「因為睇劇本淨係睇得自己幾場，唔多清楚整個劇本，但當段片出咗嚟先發現好多估唔到嘅嘢，勁驚喜！」