前華姐陳爽去年10月與老公梁梓軒誕下愛情結晶品，但爽爽不打算只做少奶奶，希望擁有自己的事業，最近為海味生意忙碌，亦打算復出幕前：「都想繼續做主持，甚至拍劇，希望多啲成就，等第時BB都覺得媽咪原來咁多方面都咁叻嘅！（忙？）好享受！人生要有成功感，唔係只係湊仔。」

陳爽靠做高溫瑜伽及食得清淡收身。

現時爽爽已極速收身，狀態甚Fit的她透露主要靠做高溫瑜伽及食得清淡，結果磅數成功回落，唯獨胸部升Cup，令人羨慕，她說：「因為我餵人奶，起碼餵到佢半歲，食得健康啲對BB都好啲！（BB乖唔乖？）佢好乖，好快戒左夜奶，而且佢好開心，見到任何人都笑，鍾意聽音樂，有音樂會郁動大啲！」