九十年代初的吳國敬事業如日方中，可是母親的一場車禍，改變了他的一生，阿敬毅然放棄舞台，退居幕後寫歌。在經歷人生、事業「雙失」之際，幸得張衞健在圈中搭路力薦百多首的「敬」歌金曲，助他跨過低谷。

吳國敬將於下月開騷，屆時會「講古佬」上身，細述筆下每首金曲背後的故事。

梁漢文（左起）、張衞健、吳國敬、蘇永康及許志安的感情要好，阿敬更感激健仔搭路力薦他的百多首金曲。

唱作人吳國敬將在下月4至5日假紅館舉行《敬．愛音樂吳國敬30載作品展音樂會》，屆時阿敬會「講古佬」上身，細述筆下每首金曲背後的故事。而阿敬在三十年的星途當中亦有一段曲折離奇的故事，途中經過高低起跌。

母親逝世受打擊

要數人生最低潮的是1990年母親在外國車禍過身，令當時的阿敬決定退居幕後，忍淚暫別舞台：「我做得冇心機，嗰時媽咪車禍過身，我傷痛未撫平，對於做幕前冇乜信心，但又唔想放棄音樂，之後問人借錢買電腦，喺屋企篤篤篤，就作咗一百首歌。」

有人說，在患難時最容易分辨出誰是真心好友，當阿敬經歷人生和事業的低谷之際，從小學便已相識的張衞健為兄弟為到底，幫手搭路為阿敬「Sell歌」：「當時啲歌都冇乜人留意，張衞健好錫我，叫安仔（許志安）佢哋幫我揀吓歌，當係幫朋友，原本同安仔都唔太熟，好彩有張衞健幫我搭路。」

全新形象會知音

雖然事業開始重返軌道，可是阿敬仍活在喪母陰霾之下，而這道心底裏的傷痕，他用了足足十六年才完全愈合，就在2006年他決意重返舞台，繼續圓音樂夢，他說：「依家嘅我，傷痛終於復原番，我以完整嘅吳國敬、唱作人嘅身份出番嚟唱歌。」