對靈界特別敏感的張敬軒，自爆經常跟這班「朋友」打交道，完全未驚過的他，更大爆其中一位「朋友」因情緒欠佳，令他種的玫瑰花都凋謝，致使他哭笑不得。

軒仔自小已感覺「朋友」的存在，故不感到害怕。（設計對白）

祖兒額頭夠高，咩鬼都唔敢埋身。

「英皇龍虎豹」被軒仔的鬼古嚇得嘩鬼叫。

Bob認為磁場會影響不同火花。（設計對白）

英皇歌手容祖兒、張敬軒、蔡卓妍、鍾欣潼和任達華跟老闆楊受成前晚搞聚會，席間談到鬼怪事件，軒仔自爆跟靈異世界的「朋友」特別有緣，由細到大不時跟這類「朋友」相遇，祖兒笑說：「你講我哋幾個嘩鬼呀？」軒仔說：「我對呢啲好敏感，成日都感受到佢哋存在。」祖兒則笑說：「啋！我未遇過，可能我額頭夠高，有三把火。」

「佢哋好善良」

軒仔談到跟其中一位共處「朋友」的互動時笑說：「有時我做嘢做到攰，返到去會話：『我今日好攰，你唔好騷擾我！』」他更形容這位「朋友」情緒起伏不定，他笑說：「佢開心嘅時候，你會覺得充滿正能量，不過有時佢唔開心，我種嘅玫瑰花就會凋謝。」軒仔和「朋友」由細見到大，見怪不怪，就像朋友相處一樣，互相尊重，他說：「我真係唔驚，同佢哋好似好有緣，成日都感受到，其實佢哋好善良，你唔搞佢，佢都唔會搞你。」

Bob：磁場影響

對此，常在無綫節目《Big Boys Club》以科學角度解釋靈體的林盛斌（Bob）表示不足為奇：「每間屋都有家神，比你更早喺度住，當搬入去住時，有人會揀拜四隻角嘅儀式當打個招呼，以科角度嚟講，每間屋都有佢嘅磁場，可能軒仔嘅磁場比較容易有呢啲火花出現囉！正如佢所講，花都會謝呀！」