周麗淇（Niki）昨晚出席《Chloe SS15 Capsule Collection for I.T開幕派對》為I.T老闆沈嘉偉撐場，邱淑貞亦以老闆娘身份亮相。Niki自爆早前發生家居意外致腳趾骨爆裂，昨日卻貪靚拆除石膏，穿高跟涼鞋亮相，她笑說：「今日負腳傷上陣，都唔知點解可以發生呢個家居意外。事緣我冇着拖鞋開門，攝咗隻腳入門罅，即晚睇急症，醫生話第3隻腳趾裂咗，起碼要100日先好！」她大呻因腳傷被迫延遲手頭上的工作，又指男友知道她受傷，而姊姊又懷孕，現時全靠媽咪照顧：「我哋留喺屋企，團聚時間多咗，可以講係因禍得福。」

Niki（左）與邱淑貞同樣明艷照人，唔講仲以為係兩姊妹！

此外，提到女兒沈月很喜歡時裝，問到會否讓女兒當模特兒？已息影15年的邱淑貞說：「佢有諗過，但我同佢講高啲先啦！叫佢打多啲籃球。（唔反對？）覺得做Model幾好，又可以扮靚。」