在新片飾演校長的楊千嬅育有一子,開拍前到學校找校長「取經」,趁機詢問教仔問題:「個仔唔同我Share同學嘢,原來因為我成日同佢講No,所以要調整自己,唔可以只係下載嘢畀佢,要畀佢選擇,佢當自己係大人,唔可以當面話佢,佢太要面,跌親都唔喊,好硬頸!呢個年代要用智慧同個仔溝通,要身教。」她早前拍攝新片《五個小孩的校長》時要面對五個天真爛漫的小演員,更被感動到變喊包:「Ending拍咗4日,拍嗰時已經喊到眼腫,拍到最後先知我有幾個Shot未Take大頭,但我嗰時已經冇晒貨,仲要係Last一日景,返到屋企我好唔甘心,即刻打畀劇組話過唔到自己嗰關,話想返去拍,今次一定做到,若要跪玻璃我逐個跪,點知第二日真係成隊Crew返去拍,大家好認真咁完成咗。」

母愛氾濫的千嬅拍新片時頓成六位小朋友之母,有苦亦有樂!