前亞姐羅霖年前與老公離婚並成為單親媽咪,故她表示深明同屬單親媽咪、涉虐女的吳綺莉之辛苦:「作為單親媽咪包括我自己,壓力都好大,希望佢快o的冇事,人o地嘅家事我就唔方便講。」其後她感觸自爆三年來圍繞自己身邊的是非不少,現在只希望好好發展生意,並慢慢淡出娛樂圈。

每次現身均打扮得花枝招展的羅霖有苦自己知,故希望淡出娛樂圈!

升呢做老闆的羅霖家庭事業兩兼顧,名副其實女強人一名。

另外,羅霖去年入股醫務中心,卻被指跟其代言的醫學美容有牴觸,她則即時澄清:「我嘅身份係老闆,唔係代言人,所以係冇牴觸,加上我哋診所開幕,我本身代言嘅老闆娘都有嚟捧場,所以唔知點解會有咁嘅講法!」