上月再度榮升爸爸的陳豪前晚出席煞科宴，本想自掏荷包請劇組食飯，豈料遭田蕊妮及胡定欣屈多餐，最終3人齊齊夾份請台前幕後食飯！陳豪與太太陳茵　現正為兒子物色學校，然而不想成為「怪獸家長」。

陳豪打算自掏荷包請食飯賀煞科兼添丁，豈料被阿田（左一）及胡定欣打亂計劃。

陳豪英氣逼人，吸引Fans埋身合照。

Aimee獨力湊仔較吃力，阿Mo期望可為太太減輕負擔。

陳豪（阿Mo）前晚偕田蕊妮及胡定欣夾份請無綫劇集《鬼同你OT》一眾台前幕後食煞科宴，阿Mo下月底將開拍新劇集，但期望可抽多點時間陪家人，坦言太太陳茵媺（Aimee）獨力湊仔很辛苦。

提到為大仔陳梓燁（Aiden）報讀幼稚園學前班，他透露早前與Aimee已親自到學校視察，兩人都不想成為「怪獸家長」：「唔想塞太多嘢畀佢，或者局限佢，我想佢喺好放鬆嘅環境下學習，最緊要培養到對事物及學習嘅興趣。」問到可有被老師「集郵」？他笑說：「唔係，你睇好咗啦！（冇被集郵感失望？）唔係，大家都係咁。」

阿田催煞科趕收工

阿田則大爆阿Mo起初想請食飯：「佢話生咗仔，不如一次過請，我說冇咁便宜，生仔還生仔，收工飯還收工飯！所以我都有份請。」提到《鬼》劇拍足4個多月，她指一眾演員都期望趕快煞科，以便阿Mo安心照顧老婆：「一路拍都叫佢同個仔傾掂數，結果都係唔聽話早咗幾日出世。辛苦佢啦！過年後再開都返嚟拍，爸爸真係唔易做。」

提到無綫變陣，劇集一星期播足7日，現正趕拍《公公出宮》的胡定欣透露該劇由30集增至35集，但影響不大：「公司一般3日完成一集，多5集都係兩個禮拜嘅檔期。」