藝人吳綺莉上周五驚爆涉嫌虐待女兒及藏毒被捕，昨午她終在所屬電台首度交代事件，並大方接受現場近半百傳媒提問。吳綺莉先向公眾道歉，並承諾做個稱職的好母親：「首先要講聲對唔住，連日嚟搞到大家咁頻撲，件事已經交畀律師處理，案件我唔方便講太多。依家我要顧及我小朋友嘅感受，希望大家唔好騷擾佢，畀佢過正常生活，我亦會學習做更加好嘅媽媽。」

吳綺莉與有線高層有講有笑，精神不俗！

未與卓林見面

對於有報道指她因壓力大而有酗酒習慣，問到可會戒酒？她口窒窒說：「其實我……覺得……我好多方面都要學。」並承認事件發生至今仍未見到乖女。問到卓林出院後，兩母女可會繼續同居？她說：「聽番社工決定。（擔心失去監護權？）冇擔心，冇嘢比我同囡囡之間嘅溝通更重要。」

問到成龍可曾關心小龍女？她說：「不清楚，最重要是女兒平安。」而她昨日見傳媒前，與數名有線高層到汀九一間酒店吃午餐，再回到有線電視大樓工作，其後再自駕回電台。據悉吳綺莉在有線專訪中指卓林未出院，須接受醫生的心理評估，並透過朋友短訊卓林表示「媽咪冇嬲佢」。