女神與BB相遇即掀起一場爭寵戰！去年憑《越難越愛》橫掃多個獎項的女神吳若希（Jinny）前晚獲老闆何哲圖全程傍實，一姐地位盡顯！而嘉欣BB則慘被冷落，明顯失勢！

雖然Under同一老闆，但衣着密實的嘉欣BB全程孤伶伶冇人陪！

老闆Herman跟埋吳若希上台攞獎，錫到佢燶！

「長腿女神」吳若希今次冇露腿，但露背一樣咁煞食！

多位藝人前晚出席網上社交平台的頒獎典禮，獲網民封為「BB」的鍾嘉欣衣着非常密實，相反「長腿女神」吳若希以一身露背裝現身，非常風騷，難怪唱片公司老闆何哲圖（Herman）亦全程陪伴着她，明顯得寵！

撐無綫力捧新人

嘉欣BB受訪時，提到有指無綫將力捧港姐陳凱琳、蔡思貝及劉佩玥上位擔正，問到會否覺得受威脅？她大方表示公司每年都有新人，不會覺得有壓力，因電視圈的演員不能斷層。久未出碟的她透露今年會再戰樂壇出唱片，記者笑說她能再次成為老闆Herman的女神，她即說：「我一直都唔係佢女神，我係佢好乖乖嘅囡囡！」她又提到去年未有出唱片是因為Herman迷信，問到會否埋怨對方？「失勢」的嘉欣未有正面回應，只表示每個人的看法不同，而自己比較「易話為」，不會急於出唱片。

驚訝洗腦歌再獲獎

而Jinny憑去年的大熱洗腦歌《越難越愛》再度獲獎，連她本人亦感驚訝：「估唔到今年仲有獎，證明呢隻歌有好持久嘅戰鬥力！」又指最近已推出新歌《美好的時光》，今年11月會出新碟，身旁的Herman即不停讚Jinny的歌藝。

提到嘉欣亦於今年出新碟，雙方豈不是會爭資源？「得寵」的Jinny淡定地說：「唔驚，我哋大公司好多資源，同埋老闆好公平，唔會偏心！」