著名同性戀時裝設計師Domenico Dolce和Stefano Gabbana受訪時，坦言反對同性婚姻及「同志」養育子女，以及其人工受孕製造「人工合成物」的言論令英國同性戀歌手艾頓莊（Elton John）嬲爆，揚言杯葛該品牌的產品，他又說：「人工受孕係令同性或異性戀戀人擁有自己孩子嘅一個奇迹。」

愛兒被指是「人工合成物」，嬲爆的艾頓莊揚言杯葛品牌。（東方IC圖片）

意大利著名時裝品牌Dolce & Gabbana（D&G）的同性戀設計師Domenico Dolce和Stefano Gabbana，早前接受家鄉雜誌《Panorama》訪問，直言不能接受同性父母及人工受孕：「我哋反對『同志』領養，家庭應該要保持傳統，冇化學製成嘅後代同埋借番嚟嘅子宮。生命應該跟隨自然運行，唔應該做任何改變。我叫嗰啲做化學嘅人工合成物。租用子宮，從目錄挑選精液。」

批思想過時

他們的言論一出，即時激嬲曾找代母誕下兩名寶貝仔的「樂壇大姑媽」艾頓莊，他周日在Instagram發炮反擊：「你哋竟敢話我啲細路係人造，我對你哋兩個嘅批評感到羞恥，人工受孕係令同性或異性戀戀人擁有自己孩子嘅一個奇迹，你哋過時嘅思想就好似你哋嘅設計一樣，我唔會再着D&G嘅衫。」大姑媽還扯火標籤着「#BoycottDolceGabbana」（杯葛D&G），擺明唔妥連「自己人」都唔撐的設計師。

發聲明澄清

其實D&G反對同志戀人撫養小孩已不是新聞，Domenico與Stefano相戀23年並於2005年分手，Stefano於2006年對當地報章承認曾邀請一名女性友人做代母為他生仔，但其後因不願意孩子有「同志父母」而放棄生仔的計劃：「孩子需要一個阿媽同一個老竇，我唔敢想像我嘅童年冇咗阿媽，我更認為將孩子同阿媽分開係非常殘忍。」

D&G被大姑媽炮轟後即發聲明澄清，指並非批評其他人的決定，又指他們相信愛和自由，明顯是擔心名人效應會令其時裝生意「永不超生」。