謝安琪（Kay）及鄭丹瑞等前晚錄影無綫節目《樂壇教父顧嘉煇》，Kay表示得到顧嘉煇承諾為她作歌：「上次做佢演唱會嘉賓時已經問佢，當時佢點吓頭，後來我唔好意思追佢歌，但佢要榮休啦，我主動提起，仲請埋前輩陳潔靈同葉麗儀幫口，終於得到佢口頭承諾：『有靈感就會作』，口頭承諾都有法律效力，嘻嘻！」她又表示可能要在節目中唱兒歌：「節目有好多前輩，佢哋唱番自己歌，剩番嘅就我同張敬軒揀，我鍾意《隨想曲》，如果軒仔要唱，我唱《烏卒卒》，煇哥都有好多兒歌作品！」

謝安琪成功令顧嘉煇答應為她作歌，而鄭丹瑞則宣布主持的節目成功添食。

顧嘉煇

鄭丹瑞節目添食

鄭丹瑞則透露其主持的健康節目將添食：「原本《你健康嗎？》預拍10集，但播完第一集，第二朝早就收到電話，話有二十幾點收視，下晝決定添食5集，我做電視咁多年都未試過。（會多啲做電視？）我同TVB有默契，佢哋好知我啱做乜嘢，亦知我7月開戲，嚟緊睇吓佢哋有咩安排畀我。」