蔡卓妍（阿Sa）前日於大阪亞洲電影節獲頒「特別表揚獎」，更獲不少前輩大讚演出具水準，但原來她演這部戲只收了十分之一的酬勞！另外，阿Sa的好姊妹容祖兒則做「傳聲筒」，為對方宣揚好消息，更祝阿Sa今年玩晒！

角逐金像獎影后的阿Sa原來只收了十分之一的酬勞！

Joey表示會睇電視撐好姊妹阿Sa。

Joey與一眾嘉賓舉杯，氣氛熱烈。

阿Sa在新戲《雛妓》中的突破演技令人眼前一亮，繼早前有份入圍角逐今屆金像獎影后，前日更率先奪得大阪亞洲電影節所頒發的「特別表揚獎」，此獎是由專業評審選出的三個大獎之一，獎項價值等同影后。據知，投資方只投放了不高於一千萬元在電影上，但阿Sa表示看過劇本後極希望能夠參演，有指她以往一部電影酬勞為五百萬元，但今次她大割價，只收十分之一，做「廉價勞工」。

Twins合體專注唱歌

昨日本報記者致電阿Sa經理人霍汶希，問阿Sa以後會否多做電影工作？她說：「今年係Twins成立15周年，所以主力都係做番相關工作，之後有時間都想做多啲電影工作。（以後唔拍商業電影？）冇話唔拍商業電影，但會對電影選擇上有所要求。」

華哥睇好「下個到你」

而阿Sa的師姐容祖兒（Joey）昨日下午出席化妝品牌發布會，提到好友阿Sa獲獎，Joey也戥對方開心：「我睇報紙見到，老闆（楊受成）有話我知，然後又不停同人講，我係星星傳聲筒，跟住我又話畀身邊啲人知。我都有祝佢今年玩晒，尋日佢又同咗T.O.P.影相，今日又攞獎，今年仲唔係佢嘅年。（屆時會唔會到場支持？）睇電視撐佢，唔一定要出席。」至於會否也想嘗試這樣的角色？Joey表示若有好劇本及對手也會嘗試：「之前華哥（任達華）喺After Party同我講：『下一個到你啦！』其實唔一定係雛妓，可以係第二種類型，可以係恐怖、驚慄。」