曾志偉兒子曾國祥拍攝電影《賭城風雲II》時毫不錫身，即使拍爆破場面時被沙石「炸」傷面亦在所不惜！如此拚搏皆因可與影帝周潤發合作：「冇諗過會有同佢合作嘅機會！」

曾國祥拍攝打鬥場面毫不錫身，更差點炸傷面！

曾國祥與兩大影帝發哥及張家輝合作，必定獲益良多。

早前參演電影《賭城風雲II》的曾國祥（Derek）於戲中與兩位影帝周潤發及張家輝合作，令他大呼過癮：「一聽到有發哥就去！家輝之前好好彩都有合作過，發哥就冇諗過會有同佢合作嘅機會！冇話學到做戲嘅嘢，反而係做人處事。雖然佢今日已經係超級國際Super Star，但係佢對所有人都好Nice！」於戲中飾演國際刑警的他，因調查與家輝有關的犯罪集團而與該集團人員展開連場槍戰：「今次都算係我開得最多槍嘅一次，有幾場戲又有爆破，都幾好玩嘅，有一場係我哋成班國際刑警被犯罪集團追殺，嗰個Shot畀啲嘢爆到塊面，不過個畫面出嚟係好睇嘅。」他笑言其實一直對這類角色有興趣：「可能之前啲導演覺得我仔啦！依家隨住年紀慢慢大，就有導演搵我做呢啲角色。」

新戲扮廢青

於《賭II》飾演型爆國際刑警的Derek，在電影《老笠便利店》要扮廢青：「講我經過一間便利店，見到佢請人就入去話我想返工，點知嗰一晚有人打劫，仲有好多古靈精怪嘅嘢！」他又表示很榮幸與馮淬帆（緊哥）合作，因為緊哥近年已較少拍電影。