藝人郭思琳早前首次參加十公里賽事，出賽前發生「意外」令她很緊張：「咁大個女未試過一個人跑咁長路程，全程同自己講嘢幫自己加油，最終都順利完成，但因為開頭跑得太快，後段冇咩力，最終時間係一小時零六分，唔能夠達到一小時目標，希望下次有進步。」雖然思琳有練開太極，但事前仍不敢怠慢，找來父親加操：「爸爸有跑開馬拉松，教我點呼吸同調節身體狀況，不過我因為忙，跑之前都冇乜真正畀心機練。」

郭思琳搵跑開馬拉松的父親教路。