林嘉華和江美儀首次合演舞台劇，林嘉華坦言等了六年終於等到機會，但笑言不滿劇中性格「內斂」而沒有親熱的機會，而劇中的江美儀因未能滿足生理所需而意圖偷食。

林嘉華等足六年，終於可與江美儀合作。

江美儀表示若有第三者出現，夫妻應溝通解決問題。

江美儀與林嘉華在舞台劇《嬉春酒店》中，飾演夫妻，林嘉華的角色性格過分「內斂」令江美儀未能得到所需，心靈上意圖出軌搭上單立文。林嘉華表示角色上係「唔會掂佢」：「講我係事業心重，兼認為夫婦不是因為『性』才走在一起，應該相敬如賓，所以喺劇中冇辦法可以輕薄佢，依家我要自己諗一啲位可以掂吓佢先得。」

有問題才有第三者

江美儀則表示劇中因未得所需故意圖出軌。問到現實中有否想過出軌，她說：「咁又冇喎！（接受另一半出軌？）如果真係有第三者出現，一定係大家之間出現咗問題，未必一定係佢有問題，可能係我，唔可以先怪晒人哋。如果不幸發生，第一件事問咗係咪真有其事先，再問點解會發展成咁先、點解要去到咁呢？淨係鬧冇用，有乜都要拎出嚟傾。劇入面會有提及男女之間嘅關係。」江美儀又指現實中與男友一直未有結婚，是覺得沒有需要，絕對不關感情事。

觀眾反應影響演員

林嘉華則表示六、七年前與江美儀已合作過劇集《女人最痛》，但當時沒有對手戲，雖然今次在舞台上做夫妻，但他笑說：「不過我唔滿意囉！做夫妻都冇得掂佢。」其實林嘉華十多年前曾在溫哥華和多倫多演出過《嬉》劇，但今次與更多不同演員合作感覺很不同，他說：「舞台劇好玩之處係演出過程好多變動，演員之間好互動。台下觀眾反應會令台上演員隨着改變。今次我哋係爆笑開心喜劇，好似個變動可以好大，大家台上會自行調節。」