周麗淇（Niki）、梁烈唯、鍾欣潼（阿嬌）等昨晚出席慈善晚宴，身穿露腰裝的Niki最近頻頻晒小蠻腰，問到是否對纖腰最有信心？她笑說：「冇大肚嘛！（趁家姐大肚晒小蠻腰？）佢直情晒泳衣照添！」問到姊姊周汶錡佗B可有不適？她說：「咩都冇，冇嘔、冇轉口味。（佗得咁舒服，你都想生？）等佢生完問吓先，生仔係女人偉大嘅任務，不過覺得恐怖。怕痛、怕生唔到要開刀留疤。」問到是否考慮兩年後生B？她坦言希望可以，但表示與男友徐正曦未有共識：「我冇講，係自己諗。」

周麗淇有意生B，但未與男友達成共識。

鍾欣潼

阿嬌則自爆曾有第三者介入戀情，問到是否與K先生的戀情？前少女時代成員Jessica是否第三者？她緊張地說：「梗係唔係！」她又表示已隨時準備迎接新戀情，但暫未有對象，更對鏡頭說：「覺得條件好可以試吓，唔使好靚仔，要四正、善良，最緊要孝順！」