梅艷芳的二哥梅德明前日因喉癌病逝，終年62歲。阿梅及姊姊梅愛芳均不敵癌魔逝世，再次「黑頭人送白頭人」的梅媽慨嘆：「冇嘢好講。」更泣不成聲。現年90多歲的她坦言大受打擊，並在電話中呼叫病逝兒子的名字：「德明、德明。」心情反覆的她坦言傷心得徹夜難眠及食欲不振，問到是否已安排好兒子的身後事？她說：「揀咗四月二號，喺九龍，所有嘢交晒畀人搞。」家中長子啟明被問及有否驗身？他說：「邊有錢呀？」記者着他打工搵錢，他卻說：「我咁老、又咁多人識，邊個會請我？你請我囉！」他又表示會盡兒子責任養梅媽。

梅德明因喉癌病逝，飽受打擊的梅媽痛哭失聲，大哥梅啟明（右）亦哀傷不已。

梅德明

另外，草蜢昨日錄影無綫節目《明星愛廚房》，對梅德明病逝的消息大感愕然：「唔知呢件事，相當突然。（會唔會聯絡吓幫手？）好耐冇聯絡，唔知點樣幫手，亦好少見梅媽。（梅媽可憐，3個仔女都走咗？）咁佢仲有個仔會照顧佢嘅。」