沈震軒和吳若希（Jinny）昨日出席無綫劇《衝線》宣傳活動，受緋聞纏身的Jinny遭沈震軒揶揄收兵，提到對方有意將他納入「緋聞樹」，沈震軒即笑說：「你係咪想做韋小寶？不如你講你最想同邊個？鍾意邊一Type（類型）？」哭笑不得的Jinny笑稱陳奐仁很好：「如果可以俘虜埋佢就係幾好嘅成績，因為佢係緋聞絕緣體。（佢有太太？）所以呢個都傳就無敵啦！」

沈震軒與吳若希老友鬼鬼，互相揶揄都冇所謂！

吳若希宣傳劇集《衝線》，梗係要擺番個踩單車甫士！

問到單身的兩人會否考慮對方？獲男方大讚是女神的Jinny笑說：「但我唔係佢想要嗰Type，佢鍾意3D。」沈震軒則否認鍾意「大波妹」，又讚Jinny腿長兼合乎其擇偶條件：「我鍾意笑、開朗、鍾意音樂嘅女仔，所以我哋好啱Key。」

雖然Jinny亦讚對方又好又夠高，但太老友又經常互窒緋聞：「我哋只可以做到呢種關係，我哋成日都互相體諒，同埋可憐對方，因為大家都單身，情人節都一支公喺屋企。」