黎耀祥、胡定欣擔綱主演的無綫劇集《公公出宮》及鄭嘉穎、謝安琪主演的劇集《殭》正在拍攝,據知兩劇都加了集數,為一星期播出七日做足準備。對於新改革,演員有不同意見。黎耀祥坦言雖然加了集數要拍攝,但對他來說影響不大:「我都獻身畀TVB,所有工作都係以TVB為先,一至日播劇係一個嘗試,轉吓形式都好,有好多觀眾鍾意煲劇,有時喺網上佢哋都會留言話又要等兩日先再有得睇,依家一氣呵成可以試試睇吓反應。」

黎耀祥與胡定欣對於《公公出宮》多拍幾集,齊聲讚好。

而定欣則說:「對於觀眾,星期六、日多個選擇都係好事,至於對於我哋演員,都準備好晒,拍多幾集仲開心。(咁咪一至日都見到你哋?)我哋入屋o架嘛!一個星期陪住觀眾七日幾好呀!」