吳若希（Jinny）憑大Hit歌曲《越難越愛》帶挈人氣升密密接Job，過去兩個月單是登台搵銀已穩袋逾百萬，她前晚又與洪卓立（Ken）及組合As One出席春茗活動。身為表演嘉賓的Jinny以背心短裙亮相，吸引不少男賓客爭相與「女神」合照，搶盡風頭！

身穿短裙的吳若希大爆拍檔羅仲謙夠浪漫！

洪卓立早前因搭錯車滯留北海道，變相有多點時間與女友拍拖。

組合As One盛裝出席春茗。

對於再次獻唱有份主演的無綫劇集《衝線》主題曲《美好的時光》，她即時報喜：「知道新歌喺各大排行榜成績都幾好！」

洪卓立滯留北海道

Jinny又透露對手羅仲謙雖然於劇中對她不瞅不睬，但私底下卻非常浪漫：「現實中佢好浪漫，會同我哋分享之前點追女朋友，當中有唔少好浪漫嘅故事！」

另外，日前於北海道搭錯車以致「送機尾」的Ken則說：「女朋友（湯怡）係緊張大師，好彩都訂到酒店，滯留嗰兩日都玩到好盡，之前仲因為滑雪搞到膝頭瘀晒！」