劉心悠失手飛甩睫毛

藝人劉心悠與陳法拉昨日現身星級化妝師好友Annie G. Chan的新書發布會，心悠自認是化妝界新手，更試過失手化錯妝：「當時係去影相，化到飛甩咗半邊假睫毛，好彩畀身邊工作人員叫停咗。」又透露將會接拍兩部新電影，故未有時間放假休息：「法拉有叫我去美國探佢，我問要幾耐，佢答我至少一個月。（覺得好耐？）其實我過年時都有放一星期假，希望下次係兩星期，暫時可以放假已經覺得好好喇！」法拉則笑指心悠是工作狂，不時勸她一起進修及旅行，但一直未能成事。