影帝周潤發主演的《賭城風雲II》氣勢如虹，在內地已衝破9億元人民幣（約11億2千萬港元）成為票房No.1，在港亦是港產片賀歲檔冠軍！發哥指這是60歲前最美好時刻。

嘉玲與發哥戲裏戲外皆合拍，未知會否於《賭》片第三集再碰頭？

發哥於《賭II》獲同片的余文樂（右）雙槍戲致敬。

肖羊的神級影帝周潤發今年年中「登六」（踏入60歲），依然風靡大批老中青Fans，更連續兩年成為春節票房冠軍電影主角，威水爆燈！去年發哥兩部賀歲片《賭城風雲》及《西遊記之大鬧天宮》同期上映，最終兩片合共狂收逾15億元人民幣（約18億6千萬港元）票房，《西》片更成為春節票房冠軍。今年發哥與導演王晶、監製劉偉強合作，連同影帝張家輝及影后劉嘉玲合演賀歲片《賭城風雲II》再創佳績，暫時上映21天，內地票房已衝破約11億2千萬港元，再度成為春節票房冠軍！香港票房截至前日則收約2,785萬港元，為港產片之冠。

添食開拍第三集

發哥昨日接受電話訪問，問到新片大收是否特別開心？他笑說：「我只係打工仔，最緊要老闆賺錢，自己就開心，其實拍嘅時候已經賺咗好好嘅過程，當然有咁好成績都高興啦！多謝上天眷顧、觀眾支持，仲有多謝晶哥！（拍《賭》第三集？）佢（晶哥）仲開心緊，未詳細傾，第二集已經好盡喇喎，不過都係睇咗劇本先，後日（明日）會上北京慶功，傾埋細節再決定啦！（係『登六』最佳禮物？）我又未正式生日，計羊年又過咗，不過有呢個消息我都好安慰，算係踏入60歲前最美好嘅時刻！」

強化影帝陣容

晶哥受訪時直認已籌備第三集劇本，目標7月開拍，希望保留第二集主要演員，更會再加入一位影帝，問到發哥是否承諾接拍？他說：「意願係OK，依家搞好劇本先。（一早估到票房咁好？）心中有數嘅，所以唔會畀自己太興奮。」