蘇永康與太太於巴黎時間3月10日出席當地舉行的Alexander McQueen 2015秋冬騷，他透露太太是該品牌的職員，為工作而到訪巴黎，又表示會趁歐元貶值購物，問到帶了多少個空篋入貨？他說：「冇，因為同好多品牌熟，我買完就畀多50歐元叫佢哋寄番香港。（有冇買咗7位數？）每季都有個數字，唔會超過7位，今次只係6位數，都有幫媽咪入貨做孝順仔。」他又指前日與陳奕迅在巴黎行街，彼此的太太各有各忙，問到可有造人大計？他笑說：「你叫佢飛少o的先，因為佢管晒成個亞洲區。」

韓藝瑟悉心打扮，到場欣賞時裝騷。

蘇永康陪太太到巴黎，趁機瘋狂購物。

另一邊廂，韓國女星韓藝瑟亮相Valentino 2015秋冬時裝騷，荷里活笑匠賓史迪拿（Ben Stiller）與奧雲威爾遜（Owen Wilson）在尾聲以壓軸姿態行騷，全場哄動，不少觀眾都立即舉手機拍照，賓史迪拿更發揮搞笑本色，取走觀眾的手機邊自拍邊步入後台。