坐擁八千萬身家的李彩華昨日出席活動時透露，有意投資七位數字成立內衣品牌做老闆，無懼與已開設自家內衣品牌的周秀娜打對台，還率先預告自己做生招牌必定比對方性感！

擁有完美身段的李彩華為自家品牌做生招牌，相信定必大受歡迎！

李彩華唔怕同娜姐打對台，反而有信心比對方更性感。

周秀娜

李彩華認為女性內衣市場大有可為。

城中小富婆李彩華（Rain）昨日出席護膚品牌活動時透露，今年決定勇闖商界，豪擲七位數建立自家內衣品牌，榮升老闆！

曾擔任內衣廣告代言人的她表示早前受品牌人員影響而萌生做生意念頭，認為女性的內衣市場大有可為：「今年會有投資發展，我想做老闆好耐，依家決定咗主要向內衣同護膚品方面發展。（唔怕市場競爭大？娜姐都有開喎！）競爭係大，不過以前啲內衣都係以保守款式為主，我嘅款式會更潮流，做到可以內衣外穿，露帶都得！」問到會否擔心與娜姐打對台？她說：「我唔驚比較。（佢好性感喎！）我會更性感！內衣外穿就係我嘅賣點，就算唔係超好身材，着咗我嘅內衣都可以變超好身材！」

「生招牌」親力親為

她又透露會落手落腳設計兼做生招牌：「自己品牌梗係自己做，內衣係女性必需品。」談到近年較少留港，她笑言返港的日子恍如度假：「我新年同屋企人去咗旅行，但之後都要返北京做宣傳。（之前行街被影到話你個造型娘爆？）係咩？我冇睇，我諗住平時出街可以休閒啲，以後Shopping都要化妝，要登台咁出街。」她又表示暫未有回流返港拍劇的打算。

計劃兩年內開舖

至於去年底斥資八位數字創立自家內衣品牌「LAANAA」的周秀娜，早前有美國金主打算注資半億助她拓展內衣王國，如今李彩華亦有意進軍Bra業，問到會否有機會與對方爆發「Bra戰」？娜姐表示無任歡迎：「幾好呀！呢個行業最好係百『Bra』齊放，有競爭先會有進步！」她又指最近生意不俗，不排除兩年內開地舖：「但係近排勁忙，我依家又喺韓國，都係搞好網上生意先！」