馬來西亞小姐黃淑玲（Sherine）前日正式接受RubberBand成員阿正求婚，成為準馮太。Sherine笑言事前亦曾猜測阿正會否在旅途求婚：「我開頭估佢會喺浪漫嘅晚餐度求婚，但冇諗過喺雪山上面，同喺聖班納犬嘅見證下求婚。」她表示當阿正單膝跪下，並拿出戒指求婚時，完全不懂反應，要阿正再次追問，才回過神來，感動地收下戒指，問到何時舉行婚禮？Sherine說：「我今年會出唱片，所以會比較忙，仲未定到日期住。」阿正透過短訊表示求婚之旅是一早安排，他笑說：「如果唔係，都唔會等依家啲瑞士法郎咁貴先嚟啦。」

Sherine獲男友阿正在雪山求婚，大感驚喜。

Sherine與男友阿正去旅行，非常甜蜜！