擁G奶噴血身材的崔碧珈、鄭欣宜及新人何佩珉日前拍攝新片海報，低胸兼露腿上陣的崔碧珈自爆於片中不時「胸壓」對手，並靠「胸」器降服對手！談到最難忘的一場戲，畏高的她自爆跟欣宜拍攝游繩戲份時嚇至淚灑當場！

持槍的崔碧珈殺氣騰騰，「西瓜胸」更令人抖唔到氣！

導演錢國偉傍住新人何佩珉影海報，相當貼心！

大笑姑婆欣宜拍海報時表情多多，全程笑不停。

身材驕人的崔碧珈（Anita）日前與鄭欣宜及何佩珉到柴灣為電影《辣警霸王花》拍攝性感海報，穿Deep V裙的Anita晒出G Cup「西瓜胸」，持槍輕鬆「秒殺」眾女！身材Big爆的她於片中以「胸」器誘惑對手，更壓到對方「冇氣抖」：「我會挨埋去同佢調情。（尷尬？）唔會，接劇本時已經覺得好玩！」談及拍攝期間的難忘事，畏高的Anita自爆與欣宜「爆喊」游繩：「我哋驚到手腳震晒！導演（錢國偉）大聲叫我跳唔到就唔好跳，於是我就諗佢係咪叫我唔好拍？我即刻一路喊一路行落去！」

欣宜未生仔怕死

欣宜當時則嚇到講定「遺言」：「我驚到喊，又狂嗌：『我仲未生仔，唔想死住呀！』（克服咗畏高症？）應該有用，我生日仲拍咗跳急流！（有咩安全措施？）得一條繩！」而有武功底子的何佩珉即場晒腿功搶鏡，搏命的她自爆拍攝首日已踢腫右腳，其後被碎片鎅破腳板「見紅」收場！