音樂人Eric Kwok與太太葉佩雯於節目中驚爆拍拖期間的互相偷食事件，記者昨日致電Eric與葉佩雯的好友Yumiko（鄭希怡），問到是否早知此事？她驚訝地說：「唔知喎真係！兩公婆嘅嘢，外人冇得評論，只要大家接受到對方做嘅任何嘢，就做咩都冇問題！」提到葉佩雯「反偷食」時，Yumiko笑說：「最緊要平衡，1比1，公平呀！」

Yumiko不知Eric曾背着老婆出軌，但身為外人不方便「加把嘴」。

至於葉佩雯另一好友杜如風對於他倆的「偷食風波」，同樣表示不太知情：「係我同Grace做朋友之前發生嘅事，佢都係好輕描淡寫咁講番，我都唔係好清楚。（Grace火爆？）好少喎！佢好平和，好少躁，成班朋友出去玩，通常都好開心。」