「港版Iron Man」郭偉亮（Eric Kwok）於節目自爆背老婆葉佩雯「偷食」！不過峰迴路轉的是葉佩雯不甘示弱，加入「復仇者聯盟」向老公送「綠帽」報復，實行以其人之道還治偷食之身！

Eric與葉佩雯在節目中細訴情路上的風波，重提各自偷食時不禁眉頭深鎖。

葉佩雯發現被追蹤後抱狗入屋，Eric則急急上車。

拍拖逾十年的Eric Kwok與葉佩雯（Grace）於2011年修成正果，婚後亦一直甜蜜恩愛，不時以「夫妻檔」出席節目及客串劇集。最近，兩人齊齊亮相無綫節目《蜜月到訪》，與新婚的王祖藍及李亞男同遊新西蘭各大旅遊熱點，並分享夫妻之間的小秘密。

同居鬧交掟刀杯

上星期五播出的最後一集節目中，Eric與Grace談到開始拍拖後是否如童話世界般美好，兩人透露原來在同居初期幾乎每天都「鬧大交」，Grace更試過亂掟刀及玻璃杯，終有一次Eric按捺不住，即場摑了她一巴掌。提到拍拖期間所面對過的最大危機，Eric自爆熱戀期過後的感情開始冷卻，更暗示曾經背Grace「偷食」：「應該話我做咗啲係男人都想做嘅嘢！」令雙方幾年來辛苦建立的信任基礎於一夜間粉碎，身旁的祖藍夫婦不時聽到O晒嘴！不過更驚訝的是，Grace隨後「反偷食」向Eric進行報復，Eric說：「最痛苦係知道咗之後嗰九個月，佢係未真係（與情夫）斬纜嘅，每一日都要承受住：『究竟佢嗰日出去係咪真係做嘢呢？』」最後兩人發現仍然深愛對方，決定互相原諒之前犯的過錯，重新開始。

「四人世界」遭撞破

事後，記者聯絡Eric，他僅以短訊寫道：「Sorry, I don't want to talk about it.（對不起，我不想討論這件事）」問到節目中提到「男人都想做的事」是否指偷食？他透過錄音說：「仲有咩吖男人！」即默認偷食。至於重提事件會否擔心勾起夫妻間的傷痛回憶？他坦言講得出來就代表不擔心，而且事情已過了一段長時間：「係人都會做錯嘢，但唔會再犯喇！」

另外，Eric與Grace夫婦前晚被拍得於晚上十時許攜同兩隻愛犬現身跑馬地，其後兩人駕車返寓所，發現有記者的Grace甫落車即急急抱愛犬衝入大堂，與平日大方任影的態度可謂天壤之別！