張智霖夫婦在內地節目中挑戰擺檔，負責宣傳的靚靚絞盡腦汁「腸」客，成功以熱狗檔贏得比賽的二人嘗到做生意的甜頭，相繼構思經營其他生意，十分有營商頭腦！

靚靚放下身段扮成「腸人」通街走，抵咁好生意嘅！

Chilam在節目中輸掉遊戲，要接受扑頭懲罰。

Chilam為吸客變身人肉布景板任影。

韓星具荷拉（前）作為嘉賓現身節目，同Chilam夫婦玩到癲。

型男張智霖（Chilam）與袁詠儀（靚靚）夫婦拍攝內地真人騷節目《一路上有你》，遠赴韓國著名景點東大門擺檔賣熱狗，與另外兩對藝人夫妻對抗！他們為贏得挑戰不惜絞盡腦汁，靚靚更犧牲色相變身「熱狗女郎」成功「腸」客！Chilam夫婦先以20萬韓圜（約1,400港元）做資本設熱狗檔，由攤位設計、買食材到整熱狗均一手包辦，Chilam憶起即苦笑：「真係力不到不為財，唔係睇落咁簡單！」他更遭靚靚出賣色相，加推買滿一萬韓圜即可與Chilam合照的優惠，而負責宣傳的靚靚亦不遺餘力，穿起熱狗衫做熱狗女郎，引來粉絲圍觀。

金舌頭舔石成金

負責做熱狗的Chilam似模似樣，獲得大批食客支持而勝出，對於熱狗大受歡迎，Chilam自言是「金舌頭」：「我食過嘅嘢都帶起熱潮，自己都有試番手勢，真係唔錯！（有兼職經驗？）讀書時做過，不過唔係飲食，當時做送花，好輕鬆又有貼士收，唔似今次咁辛苦。」談到挑戰大成功，問有否計劃投資飲食生意？熱愛拉麵的他笑說：「係都做拉麵啦！仲要遍及中港台，不過目前為止未遇到想同大家推介嘅拉麵，之後走訪世界各地，搵到心水拉麵再同大家分享。」

想推出自家面膜

靚靚表示日前二度走訪韓國，期間預留兩天時間Shopping，可惜Chilam因工作要提早回港，錯失共度元宵的機會。問到有甚麼戰利品？她笑說：「買咗好多面膜，仲把握機會了解韓式化妝，佢哋真係好用心扮靚，等我研究吓有冇機會推出個自家面膜品牌。」