許靖韻學車遇「路人」發

歌手許靖韻（Angela）和洪杰昨日與英皇集團（國際）主席陸小曼出席登山善行活動，Angela表示閒時愛行山，問到行山可有遇過周潤發？她說：「行山就冇，但當日喺九龍塘學車就見到發哥喺路邊行過，我教車師傅嗌佢，發哥仲同我哋打招呼添！」不過，她表示當時因駕着車未能生擒發哥集郵。對於洪卓立（Ken）和女友湯怡在札幌因搭錯火車而送機尾，被迫多留一天，她透露早前與家人到台中旅行，也因大霧令航班取消，最後滯留一天才返港。至於洪杰原來和女友朱紫嬈（Chloe）亦是前晚從札幌旅行回來，他指旅程中曾相約Ken和湯怡食飯，但因不同航班，所以未有約兩人前往機場，後來才知他倆送機尾。