除了連詩雅經歷過「坎坷新人」階段外，黃山怡（糖妹）及雨僑亦曾借糧度日，幸好最後都捱出頭。蕭定一旗下的雨僑大呻初入行時的「拖糧辛酸史」：「好多做完個Job都收唔到尾數，對新人係賴皮啲，好多時都追唔番。」她又指公司關閉藝人經理人部時，試過所有同事收「大信封」：「事業完全停頓，我始終都係鍾意唱歌，最後阿一就話唔介意嘅話，就繼續留喺公司。（借糧？）係呀！當年欠緊幾十萬係唔出奇，但出道第三年因為多咗人睇我啲化妝片，多咗代言就還清晒。」

雨僑指入行時做完Job很多時都收唔到尾數。

為盡快清還欠款，糖妹曾為公司做打雜。

而維高文化的糖妹入行初期的開支先由公司墊款，為了盡快清還欠款，她索性身兼兩職：「我會幫公司打工，幫手剪報、整碟、聽電話接待都做過，咁我頭兩年Keep住幫商場唱歌，又有去學校做騷，好快就還晒。」