福伯出事，不少紅星好友紛紛留言關注，當中曾與福伯合作《星球大戰》的猩猩朱兒真身Peter Mayhew，搞笑指好友的情況於一小時內由危殆轉為良好，質疑對方到底是星戰角色「漢蘇奴」，還是有極速自療能力的「狼人」！黑武士的官方社交網就代未能開口的朱兒留言。而奧斯卡影后Marlee Matlin、「卻克隊長」威廉薛拿（William Shatner）與名嘴艾倫迪珍妮絲（Ellen DeGeneres）等人亦有留言祝福伯早日康復，但主持Montel Williams留言祝福後，竟再指路面塞車因福伯撞機意外而起，引來網民不滿！

王敏德

趙式芝

林熙蕾

王敏德（香港航空青年團榮譽長官）：「我相信係飛機引擎發生故障引起，福伯處理呢次意外嘅方法好冷靜，揀咗個安全地方緊急降落，避免傷及途人。」

趙式芝（香港飛行總會會長）：「睇到架飛機損壞程度，相信福伯受傷唔會太嚴重，希望佢早日康復。佢做得好好，臨危不亂，面對引擎出問題仍然咁冷靜，喺空曠嘅高球場緊急降落，避開多人嘅地方減少傷亡。（你揸直升機有冇遇過意外？）揸得飛機多多少少總會有，最緊要飛行人員心理質素高，因香港地少人多樓又多，若有意外要搵空地急降都好難，所以香港考牌較難。」

台灣性感女神林熙蕾亦轉載有關報道，並以四個合十Icon，寓意為福伯祈禱，祝願對方早日康復。