薛嘉麟太太諸葛紫岐(Marie)自組的娛樂公司星韜娛樂,昨日在尖沙咀舉行新春團拜,除了旗下藝人前亞姐呂晶晶和張智恒女友莊端兒出席外,星娛樂一班藝人包括Regen(張惠雅)、Winkie(黎美言)、Crystal(張紋嘉)、羅孝勇和葉文輝亦畀面撐場。

榮升老闆、奉旨(目及)仔的諸葛紫岐顯得神采飛揚。

呂晶晶、莊端兒

着到紅噹噹的Marie開心透露:「『韜』係個仔個名薛華韜的韜,『星』係希望旗下嘅星變好大嘅星。我哋會陸續簽新人,覺得香港冇乜高大靚仔,想搵個1米80高嘅。」對於奉旨睇靚仔,她指老公也想找到具潛質的藝人,故不擔心老公呷醋。笑言已有「兩女」(呂晶晶和莊端兒)的她表示不急於再做媽咪,亦不介意兒子將來做童星。

而呂晶晶大讚老闆Marie對她愛護有加:「離開亞視都3年,當初都係因為亞視冇劇拍先走,返內地拍劇,依家簽咗Marie,好想試吓拍電影。」她又讚老闆不干涉她拍拖,甚至結婚亦可。