楊秀惠於新劇《天眼》中以冷艷性感造型亮相，更挑戰性感底線上演裸體瑜伽，首度於鏡頭前獻出玉背，吸睛度十足！秀惠大呼好玩，又指向來有玩瑜伽的習慣，雖然螢幕畫面一絲不掛，事實上拍攝時身上黐滿膠紙，重要部位亦做足安全措施。

楊秀惠（左）不用埋位時用毛巾包住上身，小露玉背晒V。

楊秀惠拍攝裸體瑜伽的戲份，好香艷呀！

楊秀惠（右起）、陳展鵬、鄭嘉穎及高海寧出席《天眼》宣傳活動。

而昨日秀惠與鄭嘉穎、高海寧（高Ling）及陳展鵬等出席活動宣傳該劇，清減不少的秀惠自爆上圍縮水：「啲衫都要拎去改細，同埋成日要做運動等肌肉結實啲。（有冇做胸部按摩？）我好保守要自己按，女仔要照顧自己身體。」談到元宵節，秀惠自言冇人約：「見到同事好幸福都好羨慕，冇人追就畀心機拍劇、主持同做生意，聽人講女仔主動冇咁吃香！」

嘉穎咀楊怡狂Loop

至於日前開工時捕獲影壇巨星周潤發的嘉穎大讚發哥自拍技術冇得頂，談到有網民惡搞其代言炸雞廣告，嘉穎笑說：「場戲係有少少故意，個品牌都有贊助套劇，開場時都講我食緊炸雞，係商業元素。」戲中與楊怡激咀的他表示該場戲會不時於劇中穿插，作為阿怡的回憶片段。