與外籍夫婿Brad結婚年多的混血名模Ana R.多次表示希望造人，曾預告買性感內衣趁元宵誘老公，但計劃最終告吹，她笑言要改以「朱古力人體盛」誘老公，老公一定十級享受！

身材咁正嘅Ana R.送「人體盛宴」，老公點會唔受落！

元宵節都唔識？睇嚟曼喜要惡補吓中國文化喇！

Ana R.行騷示範珠寶首飾，高貴又霸氣。

楊洛婷失策冇戴頸鏈，唔緊要嘅，有Deep V就夠啦！

名模甫士係唔同啲，姚書軼側身一Chok，解放胸前兼晒腿。

混血名模Ana R.、名模姚書軼及星二代王曼喜前晚在灣仔擔任珠寶騷模特兒，三人齊穿上低胸性感晚裝，Ana不慎胸前出現離罩，而王曼喜罕有晒三吋事業線，非常養眼！前晚是元宵佳節，曾預告買內衣誘老公造人的Ana表示太忙沒時間買，因而大感可惜，她已準備收工後趕回家跟夫婿玩煮飯仔，親自下廚炮製三餸一湯，問到會否改以人體盛奉上壽司誘老公？她說：「佢唔太鍾意食日本菜，但如果放朱古力同蛋糕喺身佢會享受啲，會食晒！其實如果佢做人體盛一定好搞笑，好誘惑！」

曼喜低胸 女友介意

難得性感的王曼喜則表示開騷前自拍照片傳給媽咪馬詩慧，已獲媽咪批准，但認為父親王敏德一定會介意，故不打算傳照片給他。早前宣布同志身份的她，問到女友會否介意她性感示人？她說：「會介意，所以唔會傳相畀佢，佢覺得女仔保守啲好啲，今次都係第一次咁性感，為工作OK。（佢有冇規定你領口唔可以低過幾多吋？）應該話唔會太低嘅。」問到元宵節如何慶祝，她不明所以，經解釋才知道是中國情人節，但她認為情人節不用慶祝太多次，反正女友也不會明白元宵節。

楊洛婷失策唔夠閃

而擔任司儀的楊洛婷以Deep V晚裝現身，她原以為大會會安排頸鏈給她佩戴，誰知只有耳環：「有少少失策，開咗Deep V，有嘢畀人欣賞都好開心，好鍾意又大又閃嘅耳環。」去年與樂隊Dear Jane主音Tim（黃天翱）結婚的她指暫時收過最珍貴的珠寶肯定是婚戒，問到若造人成功會否有獎勵？她說：「你哋鼓勵吓佢！自己講唔出口，不過佢係好細心好有心思嘅人。」又指近來喜歡玫瑰金，希望下一份禮物會收到玫瑰金首飾，Tim識做啦！