陽光男孩「大隻仔」溫家偉性格開朗，當年因為媽媽一句說話便毅然回港參加香港先生選舉，然後「一舊雲」甚麼都不懂便入行，因為鍾情此行業，就算遇上語言上的困難都一直堅持。提起緋聞，他認為揀對象最緊要啱Feel！

緋聞女友多多的溫家偉坦言沒有特定喜歡的類型，最緊要溝通得到。

溫家偉早年參選香港先生時，穿上泳褲大騷身材。

溫家偉表示十分喜愛娛樂事業，更衷心多謝每一位幫助他的恩人。

溫家偉（Alan）於2008年由美國紐約回港參選港男，他說：「最辛苦係離開由細到大生活嘅地方，我一路都冇乜諗有咩理想，喺嗰邊讀書會教Golf執吓波，參加咗香港先生，覺得呢行好特別，見到好多唔同嘅事，嗰刻就知道呢行係我一世想做落去嘅！」

不懂亞洲文化

Alan覺得與人相處沒問題，但最困難是語言：「開頭都有諗，雖然鍾意，但係會唔會返去比較好，當時又唔係多工開，好多時間畀我諗究竟留唔留低。」Alan表示選港男全因媽媽的一句話：「我之前唔識亞洲文化，媽咪叫我去選香港先生，咁暑假就返嚟當去旅行！」身為亞洲人，卻不懂亞洲的文化，Alan自覺慚愧，覺得香港先生給予最好的機會，讓他親身體會：「媽咪叫我試吓慣唔慣，真係唔鍾意，可以隨時返去。」

感謝媽媽支持

他感謝媽媽一直的支持和鼓勵，亦衷心多謝每一位恩人：「我覺得好幸運，當初唔識中文都有人肯用我，畀機會我！希望有一日上台攞獎！」因Alan對人熱情，令他緋聞多多：「人哋寫嘅我控制唔到，平常心囉！我緋聞女友？邊個呀？咩意思呀？哈哈！」他坦言沒有特定喜歡某些類型，大家性格上溝通到最重要。