朱慧敏（Queenie）及狄易達（達仔）等前晚出席堪輿學家謝富坤壽宴，問到Queenie有否請謝師傅為她與未婚夫彭懷安（Eddie）的婚期擇個吉日？她說：「師傅應該有同Eddie講。（師傅有冇過兩招御夫術？） 冇喎！陣間問。（會唔會擺催旺生仔陣？）未問，但唔抗拒。」她又指Eddie因忙於拍戲而沒有到場，笑言他要努力儲老婆本。

朱慧敏（右）

而達仔亦曾請師傅擺陣催旺事業，問到師傅有否幫手催旺姻緣？他說：「師傅幫我擺全餐風水陣。（有冇算吓幾時有姻緣？）講緣分啦！我又唔擔心姻緣，因為一向都吸引唔少異性，異性緣一向都旺。」

此外，狄易達昨日到電台宣傳新歌Remix版，坦言對自己要求甚高，問到可有創新舞步？他笑說：「想長跳長有，跳到好似郭富城咁！」