即將61歲的成龍在影壇活躍幾十年，經歷無數風浪，但永不言休，已到退休享福之齡的他笑言有8部劇本在等他：「我可以郁得就郁，荷里活嘅奇連伊士活84歲都仲活躍影壇，史泰龍68歲都仲打緊啦！我唔太擔心體力問題，揀啱自己年齡嘅劇本，依家仲有8部戲等緊我。」

現年61歲的成龍不太擔心體力問題，仍繼續拍戲，未想退休。

提到《天將雄師》的另外兩位荷里活演員，成龍讚他們冇得頂，笑稱自己被帶入戲：「我喊唔到好尷尬，尊古錫主動問我有咩幫到我，跟住就喺部攝影機後面畀戲我，七情上面好入戲，做番本身佢嘅戲，結果我情緒即刻嚟！」

而在《天》片首次與他合作的導演李仁港，指成龍未有向他要求設定英雄角色：「本身佢好識做戲，只係之前劇情趣味性強，觀眾無法集中睇佢做戲，今次呢方面少咗，佢仲叫片尾唔好擺蝦碌鏡頭添！」