趙薇昨日於電影評論學會封后，其金像獎勁敵蔡卓妍（阿Sa）於巴黎時間本周四出席當地舉行的Carven 2015秋冬時裝騷。她透露首次到巴黎睇騷，獲品牌特別邀請只睇一場，但會多留兩天才離開，看看是否有合適服裝於頒獎禮上穿着：「好多品牌都打嚟問我。」

蔡卓妍無懼6度寒風，身穿背心裙睇騷。

蔡卓妍（左）與陳意涵獲安排坐頭排，備受品牌重視。

提到趙薇先拔頭籌，會否影響奪金像影后的信心？阿Sa說：「入得圍每個演員都好犀利，雖然好想攞，但盡量調節自己嘅心理，到咗宣布嗰刻五個大頭Close Up，演得差會好樣衰。（有冇信心？）好開心好多影評人鍾意《雛妓》，以前啲人睇完我做戲最多係讚我靚，今次影評人會研究我做緊乜。（趙薇係最大對手？）好多個都係，仲有周迅、湯唯同吳君如。（下次再大膽啲？）唔會用呢樣嘢去衡量。」另外，同場有台灣女星陳意涵，與阿Sa獲安排坐在頭排睇騷。