吳若希否認執二攤

吳若希、吳國敬和Super Girls等昨日錄影無綫節目《勁歌金曲》。獻唱無綫劇《衝線》主題曲《美好的時光》的吳若希，被問到會否想新歌再上「神枱」？她笑說：「尋晚睇咗套劇都係播一次啫，希望遲啲可以播多啲。（想攞獎？）首歌唔係K歌，又唔夠悲情喎！」有指許亦妮要求加薪四倍遭雪藏，而吳若希就「執二攤」頂替對方主持《街頭魔法王》，她說：「咁每輯都唔同人做嘅，咁啱今輯係自己做。」而聲沙沙的吳國敬坦言患感冒：「睇咗中醫，休息咗一兩日，但都會搏殺！」因為下月4日和5日會在紅館開個唱。