劉浩龍、梁漢文和郭偉亮昨日出席慈善羽毛球大賽開球儀式，早前與女友容祖兒到日本度歲的劉浩龍坦言因在機艙被「捕獲」而感到掃興：「我哋比較低調，都係想Relax吓，畀人生擒都幾唔開心，都唔知為乜。」他指到日本主要是休息：「好簡單咁度過！」又指在當地每朝起身都做兩小時運動，而在旁的郭偉亮則笑說：「好浪漫！」有指郭偉亮媽咪與老婆葉佩雯有婆媳糾紛，故葉佩雯拒絕到美國探奶奶，他說：「之前嘅事，都係個仔唔識做啦。好小事，實有！」他又指雙方已冰釋前嫌：「但唔知過多幾個月會點！」而同場的林敏驄則與導演郭子健玩自拍，相當搞笑。

劉浩龍表示到日本旅行主要是休息。

郭偉亮笑言暫時解決婆媳糾紛。